READ OUR NEWS

Creole Lingo!

  [caption id="attachment_7251" align="alignleft" width="300"]Taliking about Haitian Creole Alphabet Talking about the Haitian Creole alphabet[/caption] [caption id="attachment_7250" align="alignright" width="300"]Screen Shot 2016-02-23 at 10.15.50 AM Ekip Matin Magazine te Kontan koute chante alfabè a[/caption] Screen Shot 2016-02-23 at 10.09.33 AMScreen Shot 2016-02-23 at 10.00.40 AM 23 Fevriye 2016, bèl mesyedam Matin Magazine yo te fè yon ti chita sou chèn televizyon nasyonal TNH la pou pale sou bèl zouti chante alfabè kreyòl la ki ap ede anpil timoun aprann alfabè lang yo ak kè kontan. Bèl konpliman pou Jean Mary Simon, Fabiaula Dumas ak Cassandra Cindy Destine ki se bon fouyapòt. Yo toujou ap chache ak fouye pou yo toujou jwenn bon kichòy pou tele espektatè yo, se pou sa nou pa manke pa renmen yo. Kote ou janm wè timoun leve danse pou yo aprann alfabè kreyòl? Mwen menm, mwen poko wè sa non! Lè m t ap aprann alfabè ka Soeurs Salésiennes Haiti lontan, se yon gwo règ men longè pwofesè m nan te kenbe nan men ni. Lè pou n ta sòti deyò nan rekreyasyon pou nou fè yon ti pale kreyòl ak zanmi nou, O O! yo lage baton nan dengonn nou!  Kounye a pwofesè a pran tanbou li, li pran mizik, li di tout timoun, brase bouda nou pou nou chante alfabè kreyòl la. Tèt chaje! Kon di Iv Dejan "Lekòl yo pral tèt anwo wi, si nou ba yo bon zouti konsa" ke pwofesè Michel Degraff ak Mandaly Louis-Charles  te kreye.